У аўторак па паўднёвым захадзе Беларусі будзе да +19

Воблачнае з праясненнямі надвор'е чакаецца ў Беларусі 17 кастрычніка. Пра гэта агенцтву БЕЛТА паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

У аўторак будзе пераважна без ападкаў, толькі па поўначы краіны месцамі пройдуць невялікія дажджы. Уначы і зранку ў асобных раёнах прагназуецца туман. Вецер будзе паўночна-заходні, заходні 3-8 метраў за секунду.

Уначы тэмпература паветра — ад 5 да 11 градусаў цяпла. Удзень чакаецца +12-+17 градусаў, па паўднёвым захадзе — да 19 вышэй за нуль.