З Беларусі ў Польшчу спрабавалі вывезці 100-гадовую ікону (фота)

З Беларусі ў Польшчу спрабавалі вывезці 100-гадовую ікону. Як інфармуе прэс-служба Дзяржаўнага мытнага камітэта, здарэнне адбылося ў пункце пропуску “Бераставіца” на беларуска-польскай мяжы. Ікону знайшлі ў багажы кіроўцы аўтамабіля “Аўдзі”, грамадзяніна нашай краіны. Ён выбраў “зялёны” калідор, паведаміў, што не мае тавараў, якія падлягаюць дэклараванню. Аднак мытнікі і памежнікі вырашылі праверыць легкавік.

Эксперты далі заключэнне, што ікона напісаная ў канцы XIX — у пачатку ХХ стагоддзя і з’яўляецца культурнай каштоўнасцю. Яе ў мужчыны забралі да рашэння суда.