Расследуецца справа аб нанясенні страт у асабліва буйным памеры “Гомельшклу”

У Гомелі абласная пракуратура распачала крымінальную справу ў дачыненні былога намесніка генеральнага дырэктара прадпрыемства “Гомельшкло”. Ён адказваў за камерцыйныя пытанні і лагістыку. Мужчыну падазраюць у перавышэнні ўлады ці службовых паўнамоцтваў (ч. 3 арт. 426 КК). Паводле матэрыялаў следства, прадпрыемству былі нанесены страты ў асабліва буйным памеры. Прэс-служба Генпракуратуры называе суму ў памеры 205 537,9 тысячы расійскіх рублёў.