У Лепельскім раёне маршрутка з пасажырамі ўрэзалася ў МАЗ

Сур'ёзная аварыя з удзелам маршруткі і МАЗа адбылася каля 5-й гадзіны 11 верасня ў Лепельскім раёне. Падрабязнасці ДТЗ у каментары tut.by распавёў прадстаўнік ДАІ УУС Віцебскага аблвыканкама Аляксандр Казючыц.

33-гадовы кіроўца мікрааўтобуса Mercedes-Benz Sprinter ехаў па трасе М3 Мінск — Віцебск. У яго маршрутцы ехалі 15 пасажыраў. 

На 168-м кіламетры дарогі ён страціў увагу і ўрэзаўся ў спадарожны МАЗ. Пры аўтааварыі траўмы рознай ступені цяжкасці атрымаў 36-гадовы пасажыр, жыхар Гродна. Кіроўца грузавіка не пацярпеў.

У ДАІ кажуць, што кіроўца маршруткі мае 15 дзеючых адміністрацыйных правапарушэнняў. Прычым дзевяць з іх звязаныя з перавышэннем хуткасці.