У Гродне невядомы абстраляў аўтобус (відэа)

У Гродне невядомы абстраляў аўтобус. Здарэнне адбылося ўвечары 6 верасня каля прыпынку грамадскага транспарту па вуліцы Фамічова (Універсам Брэст). Мяркуецца, што стральба вялася з пнеўматычнай зброі.

Як інфармуе прэс-служба УУС Гродзенскага аблвыканкама, міліцыя шукае сведкаў здарэння. У той момант на прыпынку стаяў аўтамабіль таксі. Запіс яго відэарэгістратара можа быць карысны для пошуку зламысніка (ці зламыснікаў).