На праспекце Дзяржынскага ў Мінску загарэўся грузавік

На праспекце Дзяржынскага ў Мінску загарэўся грузавік, што ўскладніла рух аўтатранспарту. Пра гэта агенцтву БЕЛТА паведаміла старшы інспектар па агітацыі і прапагандзе АДАІ Маскоўскага РУУС Мінска Любоў Трапашка.

Здарэнне адбылося каля 8.30 раніцы. МАЗ загарэўся, калі ехаў па другой паласе праспекта з боку вуліцы Любімава ў напрамку вуліцы Ясеніна.

Па словах прадстаўніцы ДАІ, пажар пагасілі відавочцы. Бліжэйшым часам аўтамабіль прыбяруць з праезнай часткі, што спросціць рух па праспекце Дзяржынскага.