Пры аўтааварыі ў Капыльскім раёне кіроўцу дэблакавалі спецінструментам

Пры ДТЗ у Капыльскім раёне Міншчыны пацярпелым спатрэбілася дапамога ратавальнікаў, паведамляе прэс-служба МНС. Здарэнне адбылося каля 22-й гадзіны 23 жніўня ў вёсцы Малыя Прусы. Ратавальнікаў выклікалі на дэблакаванне пацярпелага.

На месцы здарэння супрацоўнікі МНС пабачылі, што кіроўца аўтамабіля "Аўдзі-80" з'ехаў у кювет, перакуліўся і ўрэзаўся ў дрэва.

Мужчыну дэблакавалі з дапамогай спецыяльнага інструмента. З траўмамі рознай ступені цяжкасці яго забрала брыгада хуткай меддапамогі і даставіла ў раённую лякарню.

У машыне знаходзіліся чатыры пасажыра,  у тым ліку двое дзяцей. Усе яны выбраліся з аўто самастойна.