Жанчына ў навушніках ішла па начной дарозе і трапіла пад колы аўто

Ва Уздзенскім раёне жанчына, якая ішла ў навушніках па начной дарозе, трапіла пад колы машыны. Як паведамляе БЕЛТА са спасылкай на прадстаўніка Дзяржкамітэта судовых экспертыз па Мінскай вобласці Яўгенію Куневіч, здарэнне адбылося 19 жніўня ў 23.00 каля аграгарадка Возера.

Кіроўца “Форда Транзіт” ехаў у паласе разгону аўтадарогі Мінск-Мікашэвічы і збіў мясцовую жыхарку. Жанчына з множнымі цялеснымі пашкоджаннямі дастаўленая ва Уздзенскую раённую лякарню.

Пацярпелая не была пазначаная флікерамі. Прызначаныя аўтатэхнічная і судова-медыцынская экспертызы.