У Брэсце маршрутнае таксі сутыкнулася з аўтобусам (фота)

У Брэсце маршрутнае таксі “ГАЗ” сутыкнулася з аўтобусам “МАЗ”. ДТЗ адбылося ўвечары 14 жніўня. Як інфармуе прэс-служба ДАІ Брэсцкай вобласці, паводле папярэдняй інфармацыі, кіроўца маршруткі дапусціў сутыкненне з аўтобусам, які стаяў наперадзе перад святлафорам. Пацярпелі дзве дзяўчыны-пасажыркі таксі, якія сядзелі на пярэдніх сядзеннях і не былі прышпіленыя рамянямі бяспекі. Аднак шпіталізацыя ім не спатрэбілася, траўмы былі лёгкія.