У Вілейскім раёне на мікрааўтобус упала дрэва, загінула дзіця

У Вілейскім раёне на мікрааўтобус упала дрэва, загінула дзіця. Як інфармуе прэс-служба МНС, здарэнне адбылося пасля 15-й гадзіны ў сераду, 2 жніўня, каля вёскі Кобузі. У мікрааўтобусе на той момант знаходзіліся двое дарослых і пяць дзяцей. Загінулай дзяўчынцы было 11 гадоў. Іншыя падрабязнасці пакуль невядомыя.

У сераду ў другой палове дня па Вілейшчыне і суседніх раёнах прайшоў ураган, вецер ламаў дрэвы, выбіваў шкло ў вокнах, зрываў дахі ў дамах.