2 жніўня па поўдні Беларусі будзе да +36
Фота: pixabay.com
2 жніўня ў Беларусі сіноптыкі прагназуюць навальніцы і шквалісты вецер. Пра гэта інфармуе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Уначы і зранку па поўначы, а ўдзень на большай частцы тэрыторыі краіны пройдуць кароткачасовыя дажджы, навальніцы. Пры навальніцах месцамі магчыма шквалістае ўзмацненне ветру парывамі да 15-20 метраў за секунду, днём у асобных раёнах — да 24 метраў за секунду. У асобных раёнах удзень прагназуюць залевы і град.
Уначы тэмпература паветра будзе ад 15 да 21 градуса вышэй за нуль, на захадзе краіны паветра прагрэецца да +23. Удзень сіноптыкі абяцаюць +29...+34, у асобных раёнах па поўдні — 35-36 градусаў цяпла.