У Баранавіцкім раёне ліцэіст абстраляў школу з пнеўматычнага пісталета
Фота: БЕЛТА
Навучэнец ліцэя ў Баранавіцкім раёне абстраляў з пнеўматытычнага пісталета вокны школы. Пра гэты выпадак агенцтву БЕЛТА распавёў афіцыйны прадстаўнік УУС Брэсцкага аблвыканкама Ілля Помін.
Зранку 21 ліпеня ў міліцыю звярнулася намесніца дырэктара Жамчужынскай сярэдняй школы. Яна паведаміла, што невядомы пашкодзіў 11 шклопакетаў у школьным будынку.
Праваахоўнікі выявілі, што школу абстраляў з пнеўматычнага пісталета мясцовы 17-гадовы юнак. Цяперашні ён з'яўляецца навучэнцам Навамышскага дзяржаўнага вытворчага ліцэя сельскагаспадарчай вытворчасці.
Юнака затрымалі, пнеўматычны пісталет у яго канфіскавалі. На ліцэіста пачалі крымінальную справу за хуліганства. Хлопцу пагражаюць грамадскія або папраўчыя работы, або штраф, або да шасці месяцаў арышту, або да трох гадоў пазбаўлення волі.