20 ліпеня ў Беларусі чакаюцца кароткачасовыя дажджы з навальніцамі

Пераменная воблачнасць прагназуецца ў чацвер у Беларусі. Пра гэта агенцтву БЕЛТА распавялі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы ў паўднёва-заходніх раёнах, а ўдзень на большай частцы тэрыторыі краіны чакаюцца кароткачасовыя дажджы, месцамі — навальніцы. Вецер уначы будзе няўстойлівы слабы, удзень паўднёва-заходні 4-9 метраў за секунду. Пры навальніцах чакаецца парывісты вецер да 14 метраў за секунду.

Уначы слупок тэрмометра пакажа ад 7 да 14 градусаў вышэй за нуль. Удзень чакаецца +20...+26, па поўдні — 27-31 градус цяпла.