Беларускія следчыя выкрылі махляра, які плаціў у самалётах "пустымі" карткамі
Фота: time.com
Беларускія следчыя выкрылі махляра, які плаціў у самалётах карткамі з нулявым балансам. Грошы з карты спісваліся толькі тады, калі самалёты прыбывалі ў аэрапорт прызначэння. Але, паколькі спісваць з карткі хітрага пакупніка было няма чаго, за яго пакупкі даводзілася расплачвацца банкам.
Пасля махляр (гэта быў грамадзянін Грузіі) прадаваў набытае і так пакрываў выдаткі на свае пералёты. Самая буйная пакупка "пацягнула" на €700.
Карыстаючыся сваёй схемай, мужчына скраў грошы ў банкаў Беларусі, Расіі, Грузіі, Арменіі, ЗША і Украіны. Усяго вядома пра 110 эпізодаў, "прыбытак" махляра склаў 72 659 еўра.
Беларускія следчыя здолелі выкрыць злачынцу і ў ліпені 2012 года перадалі яго крымінальную справу ў суд. Яго абвінавацілі ў крадзяжы шляхам выкарыстання кампутарнай тэхнікі. У студзені 2013 года віна махляра была даказаная, і ён атрымаў сем гадоў калоніі, піша sb.by са спасылкай на афіцыйнага прадстаўніка Следчага камітэта Юлію Ганчарову.