Відэа: На Хрышчаціку ў Кіеве адбыўся вялізны пажар

У Кіеве на Хрышчаціку пачаўся пажар. Як паведамляе hromadske.ua, гарыць будынак суседні з цэнтральным універмагам. У ім знаходзяцца некалькі кавярняў і крамаў.

Па звестках журналістаў, на месца здарэння прыбылі дзве пажарныя машыны. Яны спрабуюць тушыць полымя з двара. 

Прэс-сакратар пажарнай службы Святлана Вадалага паведаміла, што звестак пра пацярпелых пакуль што няма.