У Гродне памёр мужчына, які некалькі сотняў метраў бег за сваім аўтамабілем

У Гродне памёр мужчына, які некалькі сотняў метраў бег за сваім аўтамабілем. Як інфармуе прэс-служба ДАІ Гродзенскай вобласці, “Фольксваген” быў без кіроўцы, калі пакаціўся з горкі. Па дарозе ён зачапіў аўтобус “МАЗ”. Легкавік спыніла толькі металічная агароджа на раздзяляльнай паласе.

Мужчына дагнаў свой аўтамабіль якраз у момант сутыкнення з агароджай. Ён адчуў сябе кепска і неўзабаве памёр. Цяпер экспертыза высветліць прычыны яго смерці.