У цэнтры Гродна адбылося лабавое сутыкненне тралейбуса і легкавіка (фота)

У аўторак, 30 траўня, у цэнтры Гродна адбылося лабавое сутыкненне тралейбуса і легкавіка. Як інфармуе БЕЛТА са спасылкай на ДАІ Гродзенскай вобласці, “Пежо” раптоўна выехаў на сустрэчную паласу руху. Пашкоджанні атрымалі і легкавы аўтамабіль, і тралейбус. У апошнім, дарэчы, ніхто не пацярпеў, медыкі аказалі дапамогу кіроўцу “Пежо”. Па факце ДТЗ даішнікі праводзяць праверку.