У Віцебску напалі на букмекерскую кантору

Букмекерская кантора ў Віцебску стала аб'ектам нападу і рабавання, паведамляе прэс-служба УУС Віцебскага аблвыканкама. 

Здарэнне адбылося 21 траўня. У міліцыю затэлефанавала касірка адной з букмекерскіх кантораў і паведаміла пра напад. У момант, калі дзяўчына зачыняла памяшканне букмекерскай канторы, на яе напаў невядомы малады чалавек. Ён сціснуў шыю дзяўчыны і запатрабаваў ключы ад касы. Потым ён забраў з касы больш за 1800 рублёў і ўцёк з месца злачынства.

Следча-аператыўная група выявіла, што злачынства ўчыніў непрацуючы 26-гадовы віцяблянін. Паведамляецца, што нападніка затрымалі. На яго пачалі крымінальную справу.