У Мінску ў адносінах 92-гадовага кіроўцы распачалі крымінальную справу

У Мінску ў адносінах 92-гадовага кіроўцы распачалі крымінальную справу. Пад коламі яго аўтамабіля Honda CR-V загінула пенсіянерка (1948 года нараджэння). Як інфармуе афіцыйны прадстаўнік Следчага камітэта па Мінску Аляксей Клімовіч, здарэнне адбылося каля 14-й гадзіны 24 красавіка. Мужчына ехаў па Кальварыйскай вуліцы ў бок Прытыцкага. На жанчыну аўтамабіль наехаў, калі паварочваў на вуліцу Альшэўскага.

Высветлілася, што жанчына пераходзіла праезную частку на дазваляльны сігнал святлафора. У гэты момант увагу кіроўцы адцягнула іншая машына і ён не заўважыў пешахода. Праз некалькі гадзін пацярпелая памерла ў бальніцы ад атрыманых траўмаў.