У Брэсце таксоўка збіла пешахода

У аварыі, якая адбылася ў Брэсце каля 16-й гадзіны 28 красавіка, сур'ёзна пацярпеў пешаход, паведамляе сайт gaibrest.by.

30-гадовы брэстаўчанін на таксі "Toyota Prius" ехаў у крайняй правай паласе па вуліцы Гогаля ў напрамку вуліцы Савецкай. На скрыжаванні з вуліцай Карла Маркса ён збіў 32-гадовага мясцовага жыхара, які пераходзіў праезную частку па нерэгуляваным пешаходным пераходзе злева направа па ходзе руху аўтамабіля.

Пры ДТЗ пешаход атрымаў цялесныя траўмы і быў шпіталізаваны.

Па факце здарэння праводзіцца праверка.