У Нясвіжы ў будынку цэнтра гігіены і эпідэміялогіі ўзарваўся газавы кацёл

У Нясвіжы ў будынку цэнтра гігіены і эпідэміялогіі ўзарваўся газавы ацяпляльны кацёл. Здарэнне адбылося каля 20-й гадзіны ў чацвер, 27 красавіка. Як інфармуе прэс-служба МНС, выбухам былі пашкоджаны вокна і дзверы будынка. Ніхто з людзей не пацярпеў, пажару ў памяшканні кацельнай не было.

Прычына выбуху катла пакуль невядомая. Мяркуецца, што мела месца парушэнне правілаў эксплуатацыі газавых прыстасаванняў і агрэгатаў, магло адбыцца “закаркоўванне сістэмы ацяплення”.