У чацвер у Беларусі чакаюцца моцныя дажджы
Фота: БЕЛТА
27 красавіка ў Беларусі абвешчаны аранжавы ўзровень небяспекі ў сувязі з моцнымі дажджамі. Пра гэта агенцтва БЕЛТА паведамляе са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Надвор'е будзе воблачнае. На большай частцы тэрыторыі краіны пройдуць працяглыя дажджы, уначы па паўднёвым захадзе, а днём у паўночна-ўсходніх раёнах чакаюцца моцныя дажджы. У асобных раёнах Гомельшычны ўдзень магчымыя навальніцы. Вецер будзе паўднёва-заходні з пераходам на паўночны 4-9 метраў за секунду, днём па паўднёвым усходзе чакаюцца парывы да 14 метраў за секунду.
Уначы слупок тэрмометра будзе паказваць +2...+7 градусаў, удзень прагназуецца 7-13 градусаў цяпла. Па паўднёвым усходзе ўначы прагназуецца 8-10 градусаў са знакам "плюс", удзень — ад 14 да 20 цяпла.