Прадавачкі ў Барысаве паклалі на асфальт злодзея, які скраў гарэлку

Прадавачкі адной з барысаўскіх крамаў не проста здолелі затрымаць злодзея, але яшчэ і паклалі яго на асфальт. 

Як паведамляе прэс-служба УУС Мінскага аблвыканкама, інцыдэнт адбыўся на Вялікдзень. 40-гадовы нецвярозы мужчына зайшоў у краму, каб "дагнацца". Расплочвацца за тавар ён не збіраўся, і адразу засунуў пляшку гарэлкі ў рукаво курткі. 

Мужчына паспрабаваў праскочыць праз касірак. Але тыя заўважылі крадзеж і пабеглі за ім. Жанчыны схапілі зламысніка за вопратку і паваліл на асфальт. 

У выніку зламыснік трапіў у міліцыю, а спіртное вярнулі на прылавак.