Уначы ў суботу ў Беларусі магчымы мокры снег

Уначы ў суботу, 15 красавіка, у Беларусі магчымы мокры снег. У дзённыя гадзіны амаль па ўсёй краіне прагназуюцца кароткачасовыя дажджы. Калі ўначы тэмпература паветра складзе ад мінус 3 да плюс 4 градусаў (у Мінску — ад +2 да +4), дык удзень — 4-11 градусаў са знакам плюс (у Брэсцкай вобласці — да 13 цяпла, у Мінску — ад +6 да +8 градусаў). Вецер будзе заходні, 5-10 метраў за секунду, з парывамі да 14 метраў, паведаміла Еўрарадыё галоўны сіноптык Белгідрамета Святлана Рыбакова.