У сераду ў Беларусі будуць дажджы і да +13 градусаў

Воблачнае з праясненнямі надвор'е чакаецца ў Беларусі ў сераду, 12 красавіка. Пра гэта паведамляе БЕЛТА са спасылкай на Рэспубліканскі цэнтр па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Уначы па паўночнай частцы краіны пройдуць кароткачасовыя ападкі ў выглядзе дажджу і мокрага снегу. Удзень па паўночна-заходняй палове прагназуюцца дажджы. Вецер будзе заходні, паўднёва-заходні 5-10 метраў за секунду, парывы ​​да 14 метраў за секунду.

Уначы слупок паветра будзе паказваць ад 1 градуса марозу да 4 цяпла. Удзень прагназуецца 7-13 вышэй за нуль.