У Бярозаўскім раёне фура знесла рамку BELTOLL

У Бярозаўскім раёне Брэстчыны ў аварыю трапіла фура "Volvo". Здарэнне адбылося 22 сакавіка каля 22.40. 

Як паведамляе прэс-служба Брэсцкай ДАІ, за рулём седлавога цягача быў 47-гадовы жыхар Белазёрска. Паводле папярэдняй версіі, мужчына заснуў за рулём. У выніку аўтамабіль з'ехаў у прыдарожны кювет і сутыкнуўся з рамкай сістэмы электроннага збору аплаты за праезд BelToll. 

Пры ДТЗ пацярпелі толькі рамка і сам аўтамабіль. Кіроўца абыйшоўся без траўмаў.

Па факце ДТЗ праводзіцца праверка.