У Ляхавіцкім раёне гарэла піларама

Зранку а 5-й гадзіне 14 сакавіка ляхавіцкіх ратавальнікаў выклікалі на пажар, які адбыўся ў будынку піларамы ў вёсцы Зубялевічы.

Прыбыўшы на месца выкліку, супрацоўнікі МНС пабачылі, што ўнутры цаглянай пабудовы распаўсюджваўся агонь, перадае прэс-служба ратавальнікаў. У будынку былі 5 дрэваапрацоўчых станкоў і 15 кубаметраў драўлянай прадукцыі. 

Ратавальнікам удалося пагасіць пажар. Агонь пашкодзіў дах будынка на плошчы 130 кв.м і адзін дрэваапрацоўчы станок. Пацярпелых пры інцыдэнце няма.

Мяркуецца, што прычынай пажару стала парушэнне правілаў эксплуатацыі электрасетак і электраабсталявання.