Пад Лідай кіроўца МАЗа памёр падчас руху — спынілася сэрца

ДТЗ, звязанае са смерцю кіроўцы, адбылося 23 лютага ў Лідскім раёне. 

Як паведамляе сайт gaigrodno.by, у аператыўна-дзяжурную службу Лідскага РАУС паступіла паведамленне, што каля каля вёскі Гасцілаўцы з аўтадарогі Мінск-Гродна у левы кювет з'ехаў МАЗ і спыніўся. 

Паведамляецца, што грузавік вазіў угнаенні са станцыі ў сельгаспрадпрыемства. 

У салоне аўтамабіля праваахоўнікі знайшлі мёртвага кіроўцу. Бачных траўмаў на ім не выяўлена. 

Найбольш верагоднай прычынай смерці лічыцца спыненне сэрца. Дакладную прычыну высветліць судова-медыцынская экспертыза.