У Мазыры перакуліўся BMW, загінуў пасажыр

У Мазыры перакуліўся BMW, загінуў 27-гадовы пасажыр, індывідуальны прадпрымальнік. Здарэнне адбылося апоўначы 21 лютага. Як інфармуе БЕЛТА, 25-гадовы вадзіцель не саўладаў з кіраваннем на закругленні трасы. У выніку легкавік апынуўся ў кювеце.

Адзначаецца, што абодва мужчыны — жыхары Лельчыцаў. Яны не былі прышпіленыя рамянямі бяспекі. Здымкі з'явіліся ў сацсетках.