У мінскім інтэрнаце памёр студэнт з Туркменістана

У адным з мінскіх інтэрнатаў па Вузаўскім завулку памёр студэнт з Туркменістана. Як паведаміў БЕЛТА афіцыйны прадстаўнік упраўлення Следчага камітэта па Мінску Аляксей Клімовіч, цела мужчыны, 1992 года нараджэння, не мела бачных цялесных пашкоджанняў.

Праверку па факце смерці праводзіць Следчы камітэт, апытваюцца знаёмыя памерлага, работнікі інтэрната. Судова-медыцынская экспертыза высветліць дакладную прычыну смерці.