У Смалявіцкім раёне ўначы згарэла харчовая крама

У Смалявіцкім раёне ўначы згарэла харчовая крама. Паведамленне пра пажар паступіла ў экстраныя службы 5 лютага ў 01.05 — узгаранне адбылося ў аднапавярховым цагляным будынку на вуліцы Камсамольскай, 1.

У выніку пажару знішчанае касавае абсталяванне, пашкоджаныя 2 халадзільныя вітрыны, закураная гандлёвая зала. Пацярпелых няма. Прычыны пажару высвятляюцца, паведамляе прэс-служба Мінскага абласнога ўпраўлення МНС.

Усяго за мінулыя суткі ў сталічным рэгіёне адбылося 6 пажараў. На адным з іх пацярпеў чалавек — у вёсцы Міхайлава Барысаўскага раёна загарэўся грузавік кампаніі “Еўрагандаль”. Кіроўца машыны самастойна тушыў полымя і атрымаў апёкі 1-2 ступені. Ад шпіталізацыі мужчына адмовіўся.