Памёр мужчына, які ў Сілічах спрабаваў выканаць сальта і атрымаў цяжкую траўму

У гарналыжным цэнтры "Сілічы" ў сноўпарку 45-гадовы мужчына спрабаваў выканаць сальта назад і атрымаў цяжкую траўму пазваночніка. Здарэнне адбылося 15 студзеня. Праз тыдзень пацярпелы памёр у бальніцы, у яго засталіся жонка і дачка-падлетак, інфармуе сайт onliner.by.

Па словах сябра загінулага, рашэнне выканаць сальта было спантанным, ён пра яго нікому не сказаў. Свой палёт мужчына не разлічыў, хаця да гэтага выконваў дастаткова складаныя скачкі.