Падрабязнасці выбуху ў гаражах у Мачулішчах: тры чалавекі пацярпелі

МНС раскрыла падрабязнасці выбуху у гаражах, які здарыўся ў пятніцу ўвечары ў пасёлку Мачулішчы пад Мінскам. Паводле прэс-службы ведамства, у выніку здарэння пацярпелі 3 чалавекі, аднаго шпіталізавалі з множнымі траўмамі, яшчэ двое ад шпіталізацыі адмовіліся.

Ад выбуху абрынуліся будаўнічыя канструкцыі шасці двухярусных гаражаў з цэглы, было адкрытае гарэнне. Выратавальнікі разбіралі завалы.

Пашкоджаныя шэсць аўтамабіляў. Прычыны здарэння высвятляюцца.