На Свіслачы пенсіянерка правалілася пад лёд

Дапамога ратавальнікаў спатрэбілася мінскай пенсіянерцы ўвечары 18 студзеня, пішуць "Мінск-навіны".

Па словах афіцыйнага прадстаўніка Мінскага гарадскога ўпраўлення МНС Аляксандра Папко, 59-гадовая жанчына знаходзілася ў рове за 30 м ад берага ў акваторыі Свіслачы. Пры гэтым пенсіянерка не магла самастойна выбрацца. Здарэнне адбылося насупраць дома №35 на праспекце Машэрава.

Жанчыну шпіталізавалі з дыягназам "агульнае пераахаладжэнне".