З'явіліся здымкі гарадскога аўтобуса, які згарэў раніцай у Мінску

З'явіліся здымкі гарадскога аўтобуса, які згарэў раніцай 6 студзеня у Мінску на вуліцы Лабанка. Ён рухаўся па маршруце "ДС Сухарава-5 — ДС Кунцаўшчына".

Як інфармуе прэс-служба МНС, на момант узгарання ў салоне былі 15 пасажыраў, пацярпелых няма. Узгаранне ліквідавалі ратавальнікі, якіх выклікаў кіроўца. Прычына здарэння пакуль не вядомая. Не выключана, што ўзгаранне адбылося з-за кароткага замыкання.