На пажары ў Мінску загінулі два чалавекі (фота)

15 снежня прыкладна апоўдні сталічныя ратавальнікі атрымалі паведамленне пра дым у пад'ездзе шматкватэрнага дома №16 па вуліцы Герасіменкі.

На месцы выкліку ратавальнікі выявілі, што загаранне адбылося ў двухпакаёвай кватэры на другім паверсе дзевяціпавярховага дома.

У пакоі, дзе адбыўся пажар, супрацоўнікі МНС выявілі два абгарэлыя трупы — гаспадыні кватэры і яе маці.

З кватэраў, размешчаных вышэй, работнікі МНС выратавалі па лесвічных маршах у ратавальных масках пяць чалавек, у тым ліку дваіх дзяцей. Акрамя таго былі эвакуяваныя 15 чалавек. Пацярпелых сярод іх няма.

Агонь пашкодзіў мэблю ў пакоі, сама кватэра закураная.

Прычына пажару высвятляецца.