Пад Салігорскам сутыкнуліся два аўтобусы, ёсць пацярпелыя (фота)

Два аўтобусы суткнуліся ў Салігорскім раёне зранку 7 снежня, інфармуе БЕЛТА ў УДАІ УУС Мінаблвыканкама.

Паведамляецца, што 56-гадовы кіроўца аўтобуса "Нёман" ехаў у бок Салігорска і на закругленні дарогі няправільна выбраў хуткасць руху. Мужчына не справіўся з кіраваннем і выехаў на сустрэчную паласу.

Там ён сутыкнуўся з аўтобусам КАВЗ, які рухаўся насустрач яму. Пры ДТЗ пацярпелі пасажыры аўтобуса КАВЗ. Два з іх з траўмамі трапілі ў лякарню.

Найбольш пацярпеў 58-гадовы пасажыр гэтага аўтобуса, жыхар Салігорска. Мужчыну шпіталізавалі ў аддзяленне рэанімацыі з адкрытай чэрапна-мазгавой траўмай і пераломам асновы чэрапа.

Праваахоўнікі праводзяць праверку па факце ДТЗ.