У Бярозаўскім раёне сутыкнуліся мікрааўтобус і грузавік (фота)

Удзень 8 лістапада ў Бярозаўскім раёне Брэсцкай вобласці на 97-м кіламетры трасы М1 Брэст — Мінск — мяжа Расійскай Федэрацыі сутыкнуліся аўтобус і грузавік. Мікрааўтобус "Фіят-Дуката" і грузавік "Мерсэдэс-814" рухаліся ў спадарожным накірунку. Грузавік перакуліўся і апынуўся ў кювеце, а ў салоне мікрааўтобуса быў заблакаваны пасажыр. Яго вызвалілі ратавальнікі з дапамогай спецінструмента. 23-гадовы мужчына падчас аўтааварыі атрымаў траўмы, яго шпіталізавалі, інфармуе прэс-служба МНС.

Вядома, што "Фіятам" кіраваў 21-гадовы жыхар Бярозы. Мяркуецца, што яго няўважлівасць і стала прычынай ДТЗ. ДАІ праводзіць праверку.