Работы на месцы правалу на вуліцы Клары Цэткін абяцаюць скончыць да раніцы
03.11.2016 20:27
—
Разное
![Работы на месцы правалу на вуліцы Клары Цэткін абяцаюць скончыць да раніцы](http://www.21.by/pub/news/2016/11/1478197352929753.jpg)
Работы на месцы правалу праезнай часткі на вуліцы Клары Цэткін у Мінску абяцаюць скончыць да раніцы пятніцы. Пра гэта паведамляе тэлеканал СТБ. Рух на гэтай сталічнай вуліцы ад плошчы Багушэвіча да вуліцы Мяснікова закрыты для ўсіх відаў транспарту. А прычынай гэтаму здарэнне, якое адбылося 2 лістапада. З-за пашкоджання вадаправоднай сеткі на дарозе ўтварылася вялізная дзірка. На месцы працуе спецтэхніка. 6-метровую частку трубы замянілі і засыпалі, укладваецца асфальт.
Раніцай у чацвер з-за згаданых рамонтных работ на плошчы Багушэвіча ўтварыўся вялізны затор аўтатранспарту.