У Мінску 28-гадовы хлопец зваліўся з шматпавярховіка і загінуў

У Мінску 28-гадовы хлопец зваліўся з шматпавярховіка і загінуў. Як паведамляе kp.by, здарэнне адбылося позна ўвечары 23 кастрычніка на вуліцы Касманаўтаў. Маладога чалавека знайшлі з прыкметамі падзення з вышыні. Яго завезлі ў бальніцу, дзе праз суткі хлопец памёр.

Следства высвятляе падрабязнасці трагедыі, а таксама, што мінчук рабіў у гэтым доме, калі сам жыве ў суседнім.