У ДТЗ у Калінкавіцкім раёне загінуў мінчук са сваёй маці

У ДТЗ у Калінкавіцкім раёне загінуў мінчук са сваёй маці. Там сутыкнуліся Opel Zafira і Mercedes-Benz Viano. Як інфармуе прэс-служба МУС, "Опель", у якім ехаў жыхар сталіцы, раптоўна выехаў на сустрэчную паласу, дзе сутыкнуўся з мікраўтобусам. 43-гадовы кіроўца і яго 65-гадовая маці, жыхарка вёскі Малыя Аўцюкі, памерлі на месцы ад атрыманых траўмаў. Кіроўца мікрааўтобуса і яго жонка шпіталізаваныя.

Сайт аbw.by дадае, што загінулы мужчына працаваў начальнікам калоны 2-га аўтапарку Мінска, у яго засталіся жонка і двое дзяцей.