У Брэсце на пажары ў сацыяльнай кватэры загінула 76-гадовая пенсіянерка

У Брэсце на пажары ў сацыяльнай кватэры загінула пенсіянерка 1940 года нараджэння. Жанчына мела 1 групу інваліднасці.

Здарэнне адбылося каля 6-й раніцы 13 кастрычніка ў кватэры 8-павярховага дома ўстановы сацыяльнага абслугоўвання “Брэсцкі дом ветэранаў”. Агонь пашкодзіў пасцель і маёмасць у кватэры. Прычынай узгарання магло стаць кароткае замыканне электрычнага свяцільніка, паведамляе прэс-служба Брэсцкага абласнога ўпраўлення МНС.