У Кіеве п'яны на "Мерсэдэсе" знес помнік беларусу Жызнеўскаму
10.10.2016 16:20
—
Разное
![У Кіеве п'яны на "Мерсэдэсе" знес помнік беларусу Жызнеўскаму](http://www.21.by/pub/news/2016/10/1476106715518389.jpg)
Фота: glavcom.ua
У Кіеве зруйнаваны помнік ураджэнцу Гомеля Міхаілу Жызнеўскаму. Беларус загінуў на Майдане ў студзені 2014 года, у цэнтры ўкраінскай сталіцы яму было ўсталявана два помнікі. Адзін з іх — проста пасярод вуліцы Міхаіла Грушэўскага, дзе і быў забіты Жызнеўскі, — 9 кастрычніка знес белы "Мерсэдэс", якім, па папярэдніх звестках, кіраваў п'яны.
"У Кіеве кіроўца на шалёнай хуткасці ўехаў у помнік УНСАўцу, Герою Нябёснай Сотні Міхаілу "Локі" Жызнеўскаму! Помнік зруйнаваны, кіроўца, па папярэдніх звестках, п'яны", — напісаў у FB украінскі журналіст Назар Прыходзька.
Удар быў настолькі моцным, што ў аўтамабілі спрацавалі падушкі бяспекі.
Журналіст дадаў, што з кіроўцам "няхай разбіраецца паліцыя", а помнік трэба неадкладна ўзнавіць.