У Мінску тралейбус сутыкнуўся з грузавіком, які перавозіў будаўнічыя трубы

У Мінску тралейбус сутыкнуўся з грузавіком, які перавозіў будаўнічыя трубы. Здарэнне адбылося 4 кастрычніка на вуліцы Шаранговіча. На шчасце, ніхто з людзей не пацярпеў.

Як паведаміў БЕЛТА інспектар ДПС АДАІ РУУС Фрунзенскага раёна сталіцы Уладзімір Гардзееў, грузавік разварочваўся з першай паласы. Тралейбус рухаўся за ім. Яго кіроўца палічыў, што зможа праехаць паміж бардзюрам і прычэпам, аднак не разлічыў інтэрвал. У выніку адбылося сутыкненне.

Адзначаецца, што грузавік не атрымаў пашкоджанняў. У тралейбусе пашкоджаныя два акна і стойка.