У Рэчыцкім раёне 18-гадовая дзяўчына звалілася з трубы завода

У Рэчыцкім раёне 18-гадовая дзяўчына звалілася з трубы недабудаванага і закінутага крухмальнага завода. Здарэнне адбылося ўдзень 2 кастрычніка ў Васілевічах. Дзяўчына атрымала адкрыты пералом сцягна. У Рэчыцкай раённай бальніцы ёй зрабілі аперацыю, паведаміў БЕЛТА супрацоўнік прэс-службы УУС Гомельскага аблвыканкама Віталь Прыстромаў.

Міліцыя праводзіць расследаванне здарэння, якое называе няшчасным выпадкам, "падзеннем з вышыні". Праваахоўнікі пакуль не пацвярджаюць, што дзяўчына пацярпела пасля таго, як "скакала з тарзанкі".