Пад Мінскам BMW пераехала мужчыну, які ляжаў на дарозе

Пад Мінскам кіроўца BMW пераехаў мужчыну, які ляжаў на праезнай частцы. Здарэнне адбылося сёння ўначы прыкладна ў 1.30 каля вёскі Хацежына. Як перадае прэс-служба МУС, пешаход не быў абазначаны флікерамі. Ён загінуў.

Яшчэ адно дарожна-транспартнае здарэнне адбылося позна ўвечары 29 верасня каля вёскі Тарасікі Барысаўскага раёна: беспрацоўная 23-гадовая дзяўчына не справілася з кіраваннем машынай “Форд”, выехала за межы праезнай часткі і перакулілася. Дзяўчына загінула, а яе пасажыр, малады чалавек 1989 года нараджэння, трапіў у лякарню. Адметна, што загінулая не мела правоў кіроўцы.