Як мяняліся версіі расійскіх СМІ пра крушэнне малайзійскага Боінга

Крушэнне малайзійскага "Боінга" ў небе над Украінай адбылося больш за два гады таму. 28 верасня ў Гаазе агучаны даклад пра расследаванне крушэння. Міжнародная следчая група прыйшла да высновы, што лайнер быў збіты ракетай "зямля-паветра", пушчанай з зенітна-ракетнага комплексу "Бук" блізу населенага пункта Снежнае. Паводле следчай групы, пускавая ўстаноўка "Бук", з якой быў збіты самалёт, была дастаўленая ва Украіну з Расіі.