У аўтааварыі пад Смалявічамі загінулі два чалавекі

Увечары 25 верасня ў Смалявіцкім раёне адбылася аўтааварыя, у якой загінулі людзі.

Ратавальнікі атрымалі паведамленне пра ДТЗ прыкладна ў 19.50, інфармуе сайт МНС. Каля аграгарадка Азярыцкая Слабада сутыкнуліся грузавы і легкавы аўтамабілі.

Пры аварыі ў легкавым аўтамабілі два чалавекі загінулі. Яшчэ двое пацярпелі, у тым ліку — дзіця. Пацярпелых шпіталізавалі.

Загінулых ратавальнікам давялося дэблакаваць.