У Мінску на прыпынку БМВ збіў мужчыну (фота)

Трагічнае ДТЗ адбылося зранку 20 верасня ў Мінску на скрыжаванні вуліцаў Кальварыйскай і Гусоўскага.

Як паведаміла ў Фэйсбуку афіцыйная прадстаўніца Следчага камітэта Марына Дранькова, каля 6-й гадзіны раніцы 26-гадовы кіроўца БМВ выехаў з праезнай часткі на тратуар. На прыпынку "вуліца Гусоўскага" ён збіў 55-гадовага мінака.

Ад атрыманых траўмаў мужчына памёр на месцы здарэння.

На кіроўцу пачалі крымінальную справу.

Упраўленне Следчага камітэта просіць відавочцаў падзеі адгукнуцца па тэлефонах 8 017 222-25-10 і 8 017 222-08-34.