На МКАД Dodge урэзаўся ў слуп і загарэўся (фота)
Фота: ДАІ
Дарожная аварыя адбылася на МКАД раніцай у нядзелю недалёка ад аўтарынка — 19-гадовы кіроўца аўтамабіля Dodge урэзаўся ў ліхтарны слуп. Жалезабетонная канструкцыя павалілася на аўтамабіль і той загарэўся. У салоне быў толькі кіроўца, якога са спалучанай траўмай і апёкамі даставілі ў лякарню.
Як паведамляе Onliner.by са спасылкай на ДАІ Маскоўскага раёна сталіцы, аварыя здарылася каля 5.45 — машына рухалася з боку вуліцы Мантажнікаў у кірунку вуліцы Громава. Сутыкнення з іншым аўтамабілем не было і няма нават тармазнога шляху — Dodge урэзаўся ў слуп на хуткасці.
Пасля сутыкнення машына адразу загарэлася, паведамляюць відавочцы здарэння. Кузаў быў моцна дэфармаваны і таму дзверы адчынялі арматурамі. Мяркуецца, што кіроўца заснуў за рулём, што і стала прычынай аварыі.
